قـــــــــــــالـــــــوا تـــــــــــحـــــــــبـــــــــــــــــه

قالوا تحبه قلت ما هو بالحيل

بس انه أغلا شوي من نور عيني

يسوى جميع الجيل الأول وهالجيل

واحبابي الماضين والمقبلين

شوقي له أعظم من ظمى الأرض للسيل

واشفق عليه أكثر من أم الجنيني

واحتاج له حاجة ثرى مصر للنيل

وعليه أغار أكثر من الوالدين

أشتاق له شوق المحبين لليل

وارتاح له راحت دموع الحزين

لا صار جنبي لو سنه وقتي بخيل

ولو غاب لو لحظة صارت سنيني

قالوا يحبك قلت هذا هو الويل

ما ودي أنشد ثم رفضه يجيني

واهدم رجاي بدبرتي مثل ما قيل

والأفضل أحيا بالأمل لو لحيني

يا حبكم يا ناس للقال والقيلي

الله يجازي . . جملة العاذليني

خلوني أحيا في الوهم يالعواذيل

وش دخلكم والأمر بينه وبيني